بعض الطرق التي اتبعها للمحافظة على الماء

نظرا للتبدير الواضح لدى الناس للماء ارتأيت ان اقول رأي و بعض الطرق لي كنديرها انا باش حافض على الماء و المحافظة على الماء راها مشي تسقريم كيف كيضن البعض واحد النهار قلت لجارتنا لي سيرا تصبن مانط و شكلات لينا لابيسين بي هاد الماء في وسط الدريبة و مني قلت ليها مالك على هذ التبدير قالت لي و مالي لي منغسل مانطي ياك غير ما نخلصو شحال ما جاتني
راه المشكل اعباد الله ماشي في فلوس لي غادي دفعو – وخا حتاهي خاصنا حافظو عليها و مالها كيعطيوها لينا فابور و سول الخدام يقولك من بعد شحال تاع العذاب عاد تاخد سالير دارو راسي في اخر الشهراما ربات البيوت لي معمرهم خدمو هدوك مندويوهمش-
المهم بقاو في مشكيلنا قلنا المشكل كين في ما ء الصالح للشرب لي تنقص عام على عام وبقات غير 1 او 2 في مية لي صالحة للشرب من هنا حقبة جية اش غادي خليو لولادنا و احفادنا؟؟؟؟؟
كيف شاهدت في واحد الفلم على المستقبل والا ما كيشريه غير الناس الهااي لي لاباس عليهم اما العاديين و المتوسطين ميشموهش حتى الشمة واوالا لو شافو الانسان العادي ديال المستقبل بحال الانسان العادي دابا مني يشوف لؤلؤة كيتبهض و يصيب لو غير يمسو بحال هاكا والا انسان المستقبل
بالاضافة فالرسول الكريم ماكانش كيبدر الماء و في الحديث انو مخصناش بدرو الماء و لو كنا على نهر جار و كان كيتوضى غير بي لي عمر كفينا مجموعين و على ما اضن لي كيبغي الرسول يتبع سنتو مشي غير حب بالفم و الجوارح طبق شي اخر
اما الوضو فحدث و لا حرج جرو حسنات من جيهة و السيئات من جيهة

اتمنى انكم تفهمو اشنو بغيت قول و كون حركت فيكم ولو غير انكم تبداو تفكرو انكم تقتاصدو و مكنقولش انكم ماكاتقتاصدوش بالعكس كين ناس في المغرب مني كنشوفهم كنشوف ناس من عهد الرسول متبعين سنته بطريقة تلائم الحضارة الحالية ديالنا و مني تشوفيهم تقولي انا مكنعرف والو و هذا هو الواقع انا مكنعرف والو غير لو جاتني فكرة او كان في صفة متواضعة كنبغي توصل ليكم لأنكم عزاز علي و كمكنبغي خبي عليكم حتى حاجة

جيو للطرق لي كنستعمل باش حافظ على الماء

1. منخليش ماء ديز وانا تنحك سناني او نتوضاو
2. منغسلش ماعن في لافابو نيشان وانما نستعمل بانيو تحت
3. وما ديال تشلال ماعن كنفرغو في سطلة و خليه في تواليت و بدل ما نستعمل ماء نقي نستعمل ماء مستعمل او كنسيق بيه دار او نفرغو في جردة ديالي و نفرغو على نبتة كبيرة ماشي صغيرة لنقتلها بحال زيتونة او رمانة
4. ما لي تنجفف بيه هو لي تنسيق بيه قدام الباب
5. منستعملش التيو باش سيق لأنه كيبدر بحال لي كيستعمل كريديت كارط باش يتقدا كيلقا راسو تسيزا مشي بحال لي تيدفعها من جيبو تيحس بيها اكثر
6. ماء التصبان ديال التشلال كنغسل بيه مانط او زرابي او جفاف ديول الدار
7. كنجمع صابون بزاف عاد صبن مشي لي حط شي شرويطة يمشي يغسلها
8. ماء لي كنغسل بيه خضر ترميه في جردة ايضا
9. الروبيني لي تيقطر بدل ليه جلدة ديالو راها ديرة غير 4 ريال و شريا منها 10 بياس و حاطاهم حدايا ليفاجئني شي روبيني ولو بدلتوها و مبغاش يتصوب حيدو ليه راس فوقاني ديالو بي جلدتو راه غير بي 160 عوض متبدلو روبيني كامل بي 500 ريال و زيادة
10. ماء لي غسل بيه مانط كنسيق بيه سطاح و كون هداك النهار عارفة راسي غادي حك حيوط و حكهم بيه


نتمنى كون وصلت ليكم سيستيم ديالي و لي عندها شي فكرة تفيدني و تفيدنا بيها و شكرا ليكم على صبركم علي و عدروني لو حسيتو بأي تجريح او اهانة او قلة ادب او أي كان في كلامي و اعتذر منكم اشد العذر

طرق عملية
شكرا ليك اختي
نتمنى الكل يعمل بيها

حتى انا كنعمل بيها احيانا الا لكان نهار الصابون والحكان ديال الدار هههه

شكرا لمروركم الكريم