امل و حنان
مرجبا بالزوار الكرام في منتدى aml-hanan.forumarabia.com
انت لم تتسجل بعد او انك لم تسجل دخولك بعد
ندعوك للتسجيل بمنتدانا و الاستفادة من خاصيات الاعضاء المتعددة
التسجيل سريع لا يحتاج منك الا الى ثواني
سبح لله و استغفره و انت تتصفح المنتدى
تحياتي Admin

امل و حنان

مغربي عربي
 
الرئيسيةالرئيسية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
بحـث
 
 

نتائج البحث
 
Rechercher بحث متقدم
المواضيع الأخيرة
» كل قصة حب انتهت با؟؟......
السبت يناير 26, 2013 7:54 am من طرف sooooso444

» رووووعة قصة لن تمل من قراتها
السبت يناير 26, 2013 7:46 am من طرف sooooso444

» ذهب صديق لصديقه وقال:...
السبت يناير 26, 2013 7:40 am من طرف sooooso444

» دعاء يحول حياتك الى جنة....باذن الله
السبت يناير 26, 2013 7:38 am من طرف sooooso444

» قال صلى الله عليه وسلم
السبت يناير 26, 2013 7:35 am من طرف sooooso444

» لما تحب حد بجد...........
السبت يناير 26, 2013 7:34 am من طرف sooooso444

» سالت فتاة احد الفلاسفة...
السبت يناير 26, 2013 7:27 am من طرف sooooso444

» القلوب النقية..........
السبت يناير 26, 2013 7:26 am من طرف sooooso444

» رقم غريب هههههههههههههههههههه
السبت يناير 26, 2013 7:24 am من طرف sooooso444

أفضل 10 أعضاء في هذا المنتدى
Hanane2026
 
sooooso444
 
assalam
 
lama
 
motadayina
 
samra
 
kokonono
 
hanane
 
farah
 
sanaa
 

شاطر | 
 

 قصص مرعبة من حياتي الواقعية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Hanane2026
Admin
avatar

عدد المساهمات : 443
تاريخ التسجيل : 14/08/2010
العمر : 32
الموقع : aml-hanan.forumarabia.com

مُساهمةموضوع: قصص مرعبة من حياتي الواقعية   الجمعة أكتوبر 22, 2010 12:08 am

بسم الله الرحمن الرحيم

هذه بعض من القصص الواقية المرعبة التي حدتت بحياتي اتمنى ان تنال اعجابكم هههههه

1


اهذي واقعة و قعات لي وانا في لافاك

كنا واحد النهار جالسين بنات ديول الدار كاملة لي كارين و سيرين تنحكيو قصص الجن و كل وحدة تقول مالذ و طاب هههههه حتى طاب نعاسنا و نضنا نعسو عادي

و شوي و نا نسمع بنت لي في بيت مجاور لي تتغوت نضت عندها شوفها مالها لقيت صاحبتها في بيت تتهضر بي صوت راجل و تتركل و تكزز

ناااااااااااااااااري هديك الحظة راني مت بالخلعة و حليت فيها فمي مي مفهمتش اشنو كانت تتقول و شوي ناضو بنات كاملين ديول الاتاج تاني لي فيه حنا وسارو تيغوتو
والله سوق عيالات خاوي غير فضحونا وصافي
انا شخصيا تصدمت اول مرة نشوف بنت تتهضر بي صوت راجل ووجها صفر وتتركل وتكزز
وليت تنجري في دار مشي نجري حتى اخر دار و نرجع نجري وانا نوقف في وسط - مني تتجرا لي هد الحالة تندير هاكا-وقفت في وسط و خدت نفس عميق و بديت فكر اشنو غادي ندير و جا في بالي القرآن اخيرا مشيت تنقرا عليها لي عرفت و مني بغيت نقرا اية الكرسي نسيت عليها
العجب ونا نسى سميتي ومنسى اية الكرسي مشيت طلبت من صاحبتي في بيت تجيب لي قرآني
وتوحدة في هديك الدار متتعرف القرآن ولا حافظة اية الكرسي ولا عندهم القرآن حكلنا نزلو علينا الجنون
المهم جابت لي قرآني و بديت تنقلب على اية الكرسي انا عارفاها في سورة البقرة في صفحة من ليسر و من تحت و لكن قلبت قلبت باج بي باج والو واش لقيت شي حاجة و بنت تتبان لي تتركل قلت ناري غادي تموت
وبنات تي غوتو على جهدهم مبقيت عارفة نقرا القرآن ولا نسكت البنات غير تتبان لي واحد البنت من صويرة ساكنة في دار معانا باغا ترمي راسها من شرجم اويلي لحت القرآن و مشيت نجري ليها-يارب تسمح لي - جريتها و بديت نقولها نعلي شيطان راه غير مس و شوي و غادي ترجع لحالتها
وشفت في البنت مازال على حالتها
وحتى بنت مقادرا تقرب ليها حتى صاحبتها لي معاها في بيت
مشيت عندها و بقيت ندوي معاها و نسرفق فيها مي والو اش درت عنقتها و خديتها في حظني بقوة و وزيرت عليها باش تتبث بين ايدي و بديت تنهضر ليها في ودنها و قويها و قول ليها اي حاجة زوينة جات في بالي هديك اللحظة
وفي نفس الوقت كنت خاااااااااااايفة ليخرج هداك الجن منها و يدخل لي مي مكانتش نقدر نتخلى عليها رغم انها ماشي صاحبتي غير وحدة من دار لي ساكنين فيها
وغامرت ياربحة يادبحة ماعلينا الله كبير كنت متأكدة انه لو بغا لي الله شي حاجة غادي توصلني حتى لو جتمع العالم باش يردها علي و العكس

المهم البنت تبان لي هداااااااااااااااات و ترخات في حضني وغطات في نوم عميق

صافي و هداو لبنات انا مشيت لبيتي تكمشت نتسنى حتى يجينيالجن ينتقم هههههههههههه

واحد 15 د وتسعقلت و قلنا ليها اشنو جرا معقلتش ابدا بحالا غير كنا نكدبو عليها و قالت لي
حاجة وحيدة لي عقلت عليها هي صوتك نتي يا حنان قالت لي حسيت بيك نتي فقط كنت بحالا في جزيرة مهجورة و تائهة في العالم مي سمعت صوتك..

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aml-hanan.forumarabia.com
Hanane2026
Admin
avatar

عدد المساهمات : 443
تاريخ التسجيل : 14/08/2010
العمر : 32
الموقع : aml-hanan.forumarabia.com

مُساهمةموضوع: رد: قصص مرعبة من حياتي الواقعية   الجمعة أكتوبر 22, 2010 10:38 am

2




غادي زيدكم اليوم قصة اخرى وقعات لي في حياتي
حت انا حياتي مليئة بالرعب ههههههههه

واحد النهار و كيف العادة قارية وانا لازلت في اولى ابتدائي و كنا كنخرجو مع 5 عشية
و هداك النهار عاقلة عليه خرجاتنا معلمة بكري مع 4.45 سميتها معلمة مليكة الله يدكرها بيخير مسكينة كانت ضريفة و تشرح مزيان و كنت نبغيها بزاف
معلينا خرجت بكري
وعندنا حنا في دريبة ديالنا لي يوصل هو اول لباب الحي ديالنا و هو عباره عن طريق ما بين ساقية
راه كينج هذاك النهار و يعامل كالملوك و كلشي يولي يحتارمو هداك النهار حتى يتهزم اليوم التالي هههه
*
المهم خرجت و جيا تنجري نجري حتى تقطع نفسي قربت و بانت لي ساقية بقى غير شوي و نوصل و وقفت شوي نتساراح مادام مورايا حتى احد و يالا 4.50 د
وشوي و هو تم جاي واحد الراجل بي طوموبيلتو معرفتش اشناهي ماركتها و لكن كبيرة و ماهي جديدة ماهي قديمة و قرب لي و قالي اجي قوليك
وفكرت شوي و هو يقرب مني و فتح الباب و نا نعطيها بي جرية مي كنت عييت و سد باب بسرعة و تبعني بي طومو بيل وانا نجري و نقفقف و نغوت و لكن هديك وقت بنادام كيكون مقطوع من طريق حت كان صهض عل جهد و مني بان لي حتى حد ماغادي يسمعني قررت نعتمد على نفسي و على الله-مع اني مكنتش هديك الوقت كنعرف الله مازال صغيرة عندي غير 6 سنين و نصف حت دخلوني مدرسة قبل 7 سنين- المهم قررت نركد باتجاه البيت ديالنا لي كان تيبان لي غير بي عين لكن مازال بعيد و خاصني 8 د او اقل ركض باش وصلو بقيت تنجري وهو تابعني بي طوموبيلة و مني تنتلفت ليه تيبان لي يستشيط غضبا مني حت مرضتو و مبيتش نتشد ليه
وليني مستسلمش بان لي واحد الحقل ممزروعش-اصلا الصيف و حتى احد مازارع- و بان لي فيه الحجر قررت مشي نجري تجاهو ونركض فيه لأنه الطوموبيلة مغديش تسوق بسرعة في حجر و فعلا هداك شي لي درت- كنت دكية ههههههههههه- و لكن متوقفش هو و عييت ولات كتبان لي ارض كدور و صفاريت و كنقطر عرق وقلت في راسي صافي هدا جهدي ووقفت ستسلمت في حق هديك اللحظة و هو يقرب مني و حل باب ديال طوموبيلة من جهة كرسي لي حداه ياعني كان خاصو يترامى لباب باش يحلو و حلو وقال لي اجي لياه
و شفت فيه كان مصلع راسو و عندو بينية قوية طويل و عامر يعني جسد يخلع
و دير في عنقو سناسل بزاف و كبار
بحال هدوك ديول هيب هوب امريكين
ولابس جيلي كرونة بوحدو بلا حويج اخرى فوق
غير شفتو و ترعبت
و لسوء حظو فكرت علاش نستسلم ليه
خديت نفس و جريت تاني وقال تفو و عاود سد الباب و تبعني مي كانت هديك فرصتي باش بعد عليه اكثر لأنه خاصو عاود نوض طوموبيلة تاني
و بعدت عليه و وصلت 5 بان ليه بنادم جاي و تلاميد خاجين و صافي تبع شانطي فرعي اخر و مشا
انا غير شفت تلاميد نسيتو هو و وليت نقول في راسي تفو منو هدا اش بغا مني غادي ضيع علي اليوم عرشي و نكون كينج دريبة
شوفو عقلي فاش مشى و الله مكنتش مدركة انه شفار غير هربت و صافي او بالاحرى الله لي وجهني لكل هديك الافعال لي درت و هداك الدكاء لي منحني هديك اللحظة
و نا جري على الساقية وطلعت فوقها و هزيت ايدي كيف شي مليكة و سرت نضحك نسيتو هو و هو يدوز علي و شار لي بي ايدو دوزها على عنقو زعما كيف مني نبغيو نقولو لشي احد غادي ندبحك
وانا عيرو وقلت ليه الله منرضى سبقتك انداك كانو عيالات ورايا لي غادين ملقين يجيبو ولادهو و بالتالي مكنش يقدر يقيسني و ايضا الساقية في بداية الدريبة ديالنا
بقيت هازة ايدي و كنقول لتلاميد لي جيين اليوم انا واعرة فيكم و الكل بدا يهتف لي هههههههه
و مشيت و نسيت الحدث بحالا مكينش حتى عاودتو لماما قالت لي نتي غير كدابة و لكن ختي صدقاتني و شرحات لي اشنو كان ممكن يعمل لي لو شدني انداك ادركت مصيبتي و خفت بزااااااااااااف باقة عاقلة عليها وقلت ناري عمري منعاودها و من تمة وليت نخرج و نتسنى البنات حتى يجيو و نجي معاهم وبالتالي كانت هديك اول و اخر مرة نكون فيها كينج ديال الدريبة هههههههههه

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aml-hanan.forumarabia.com
Hanane2026
Admin
avatar

عدد المساهمات : 443
تاريخ التسجيل : 14/08/2010
العمر : 32
الموقع : aml-hanan.forumarabia.com

مُساهمةموضوع: رد: قصص مرعبة من حياتي الواقعية   الأربعاء نوفمبر 03, 2010 5:34 pm

4

تفكرت وانا ناعسة احد الواقعة كانت طرات لي في 2003 مخيفة في حق


بداو وتابعو احدات

مشيت خديت لابورس و جايا ناشطة غادي مشي مدينتي نخسرو علي وناخد مسروف الشهر و نرجع ههههههه
راه بطى علي هيمتا وصل محطة شفت في ساعة تبان لي 5.30 عشية ايوا و 6 غادي يضلم الحال
ولكن مافياش ميزيد نها غادي مشي ركب مهما يكن
وزيدون عادي من طاكسي لطاكسي حتى وصل لدار مناش نخاف
المهم شجعت راسي و مشيت
ركبت مع 6 و نطلق طاكسي
من اول هاد طاكسي معجبنيش مقجقل و مرون و مسخ
ولكن مكينش بديل عليه بقى غير هو و هو الاخير لي خرج من مراكش لمدينتي
ركبت انا الوحيدة وسط 5 رجال
كل مرة طاكسي يوقف و ينزلو رجال يدفعوه ليه
ومكين غير المعيار ناقص
غير شماكريا هوما لي راكبين
نااااااااااااري
وليت كنترعد و قلبي تيرفرف كيعلم المغربي هههههههههه
ومشينا فتنا 44
وهو حتى يوقف طاكسي
اميمتي اشنو كاين
قاليك طاكسي خسر بمرة و مبقاش بغي يتحرك
هديك لحظة بحالا صفقها معايا و صدمني و مبقيتش عارفة فاش تنفكر
تضاربت افكار في راسي
فين غادي مشيو
اشنو حل
رجعوا
مشى مول طاكسي عند شي حد كيعرفو في 44 باش يجيبو يصوب طاكسي
وطاكسي كان خارج من 44 المهم ضو ديال 44 كيبان لينا
بقينا راكبين غير بوحدنا في طاكسي و تسنينا شي 30 د باقي مجاش مول طاكسي
بداو رجال يدخنو وخنقوني بي ريحة لكن منقدرش نعتارض
انا قدر حتى حرك ايدي
وهو يقول واحد الراجل بعدما شاف اني صافي مبقيتش قادرة نتنفس : خرجو برا و كميو ارجال
واحد 2 كانو جالسين قدام وبينة فيهم شماكرية ديول نيت
قال لصاحبو لمجاش خينا غادي قلع هد باب ديال طاكسي و ناخدو معايا و قال لو صاحبو و ناخدو حتى لاشين و بداو يضحكو قاليه راني بيعو بي 26 الف
وانا قول في راسي حشوما عليهم اش باو عند هاد السيد مسكين وهو من صباح و جاي ودير ليهم خاطرهم واخا غسلوه معيور
وانا نستدرك وانا اش كنخربق راه مسكين في هاد الموقف هو انا
وهي تكمل
وقفت علينا واحد المرا لابسة جلابة خضرة و فولار حمر صغيور مغطي ليها غير نص شعرها و ديرا مكياخ مرون في وجها ها حمر ها لزرق
نسعبها غير جنية ههههه
وقالت ميمتي هادا ماينقصني
صافي هدي لاخرا لي
وقالت ليهم و بتسامة ماكرة على فمها شكون ليبغا نكري ليه بيت ينعس فيه اليوم راه بين مقطع بيكم لحبل
ناري هدي مين جات ياربي وندعي ندعي في راسي و عيني في ارض
وانا نتفكر ميمتي عندي لابورس لو عرفو اني هازا معايا كاع هد لفلوس غادي رضوني صوصيت
وخرجو 2 رجال كانو راكبين جنبي مشاو معاها و بقيت حاضياهم حتى ختافاو ورا واحد الحيط وضلمة حالكة
ونتابهت لهدوك 2 لي قدامي مزال كيساومو بشحال غادي يبيعو ماتيرييل ديال طاكسي
قلت في بالي هدو باغين غير لفلوس ادن حيدت 2 من الخطر علي
نعطيهم لفلوس لي عندي و نخرج راسي
و 2 مشاو مع خيتنا و بقا هاد الشارف الهارف حدايا
قالي ابنتي متخافيش منهم انا غادي حميك
حت بان على وجهي الرعب في حق واخا نضل نوصف منقدرش قولكم كيفاش كنت كنحس
كنت كنتوقع الاسوأ ولو رحموني غادي يقتلوني فقط و ياخدو مني غير لفلوس وغدي كون شاكرة انداك
وكنت حابسة البكية مبغيتش بان ضعيفة باش مينزلوش علي دغيا
و مشبرة في محفاضتي و في ميكة لي شريت فيها نعناع-حت ماما عزيز عليها نعناع مراكش-
وهو حتى يتقرب مني شارف هارف مي كيبان شاد في راسو اما بالنسبة لي راه قد بابا كنا بقينا غير انا وياه في طاكسي وبدا يتقرب اكثر قلت في راسي هادا مالو على قلت تيساع مخشي في
ولو لحظة ماطحتش في بالي نواياه الخبيتة
كان هو ورقتي الرابحة و كنت كنحس بي شويت امان بوجودو مادام وعدني بالحماية
قلت ماشي مشكيل راه بحال اب ديالي
وهو حتى يمد ايدو على كتافي بحالا بغا يعنقني
و نا نخرج من طاكسي بسرعة
كانو بيبان مفتوحة و خرجت قمة الانهيار مي كنبين القوة و بتسمت في وجهو مبغيتش بين شي حاجة
وانا نقدر نخنزر ونا كنترعد و الله و رجلي وركابي مبقاو قادين يحملوني بكل ماتحمل هد الجملة من معنى
خرجت و جلست على التوطوار
وقلت اش غادي ندير
مشي قلب على اوتيل نبات فيه في 44
مبانش لي كيبان هد 44 غير عروبية
واش مشي ندق على اي عائلة ربما يدخلوني عندهم نبات اليوم
او نبقى تحت هذ الحيط حتى الصباح
هدو هوما اسئلة لي طاحت لي في بالي مي حتى سؤال ماكان هو الحل
وانا نتكمش فوق توطوار وبقيت ندعي بقوة لله يحميني
انداك ادركت ان لا مفر لي الا اليه
الله
كنت في قمة الايمان و كنت كنحس بي كل كلمة دعيت بيها
ودازو 2 سويع ووصلت 9
و 9.30 وانا مازال كندعي
كنشوف في 2 شماكرية مازال مقصرين محيرين في حتى احد من كارو لضحك و بلاناتهم في سرقة
وكندوز عيني على شارف هارف وتيبان لي غير حاضيني
و اكيد كنت في قمة الخوف و الرعب و الحذر منهم و قمة الايمان و الدعاء لله
كنت كنضن ان هديك اخر نهار في حياتي
وفجأة جا مول طاكسي و قال لينا سمحو لي را ملقيتش هداك الراجل
وسؤال لي تبادر لذهني :اش كنتي كدير حتى دابا و فين كنتي
وهو يقول لينا سيرو قلبو على اوتيل في 44 حتى صباح
قلت صافي حنى خارجين من 44 و دنيا مقطوعة مكينش شي حد تيتخرط
كان غير واحد الجزار تي بان لي من بعد مي سد دابا 10
صافي انهرت كليا من داخل مي كنبان ليهم غير مرا مشي -حتى بنت- قوية قادا بي راسها و عارفة فين تمشي وكيفاش تحل مشكل بحال هذا
اما انا را اكبر بنت ماماها في عالم مكنخرجش ولا فوت باب الا مع عائلة ودهابي لمراكش كان غير بسباب الدراسة الجامعية وكنت يلا بديت بي 2 شهور
وكون كنت غير شي بنت عارفة و تقدر تأقلم مع مشكل بحال هذا غادي تهون شوي
المهم بان لينا واحد الضو جاي ديال طاكسي جاي من مدينتي وغادي مراكش
وقف قال لينا مالكم اش كين
تلقى ليه مول طاكسي قال لو راه خسر لي طاكسي و بغيتك دي هد الناس لمدينتي
قال ليه انا من مراكش وعائلتي تمة و بغيت بات في داري اليوم وانا راجع خاوي غير باش مشي بات في داري
وهو يبقى يطلب فيه
غير شاف في راجل و بتسم
بان ليه الرعب لي على وجهي وقال ليه غير على وجه هد البنت غادي نديكم
وهزنا لمدينتي و دخلنا مع 11
وحنا راكبين بقيت كنحمد الله و شكرو حت عتقني و مشي اولى حت الاف مرات عتقني الله ولو لم تتدخل قدرة الله كان لازم موت وانا بنت 7 سنين في حدث اخر
حتى عاودو ليكم بوحدو
ومني قربنا وصلو بقيت نتقيا من كثر التكرفيس هداك النهار
هديك اول و اخر مرة تقيت وانا في ترونسبور
و حسيت بي ايد خينا شارف تتحط على كتفي مي مبقيتش قادرة نحس و دنيا كدور بيا
كيبا ن ليا من وجوهم بزاة و اصواتهم بعيييييييييييييييدة و راسي تيدور
وفي هد اللحظة وصلنا و خرجت انا الاولى من طاكسي نجري ونا ديخة و كنت غادي نطيح مي بقيت كنجري ونتخروع كيف سكرانة حتى تسعقلت و بقات نسمعه بحالا كانو يقولو لي شي حاجة مي صوتهم كان بعيد بالنسبة لي
وعيطت لماما قلت ليها تلقى لي راني خفت جي بوحدي من محطة لدار
وكانت اسعد لحظة في حياتي مني شفت وجه ماما كنت في قمة السعادة و الله و بحالا شفت الجنة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aml-hanan.forumarabia.com
 
قصص مرعبة من حياتي الواقعية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
امل و حنان :: القصص و الحكايا و الأشعار و الخواطر-
انتقل الى: